2013 udazkena

2013beb-udzkn1c 2013beb-udzkn-egitaraue copia

//////////////////////////////////////////////////////////////////////////////////////////////////////////////////////////////////////////////

-CABALLO

Caballo Cuchillo taldeko Israel Marcoren proiektu pertsonala da. Bertan, bere alderdi ilun, esperimental eta adierazgarriena erakusten du. Hipnotikoa, anbientala eta narkotikoa. Krautrocka, anbienta, noisea.

Hemen entzun daiteke: http://caballoisraelmarco.bandcamp.com/

////////////////////////////////////////////////////////////////////////////////////////////////////////////////////////////////////////////////

-DON THE TIGER

Don The Tiger Adrián de Alfonso da. Bartzelonako hainbat taldetan ibili da (Veracruz, Bèstia Ferida, Capitán, Homenatges) eta Lydia Lunch, Mark Cunningham edo Weasel Walter-en tamainako musikariekin jo du. Duela pare bat urte Berlinera joan zen bizitzera eta han grabatu zuen Don The Tiger proiektu pertsonalaren lehen diskoa, Canada argitaletxearekin kaleratu duena. Aurreneko disko honetan, kantuak eta esperimentazioak bat egiten dute, eta definitzeko zaila den balada disko desitxuratua da emaitza.

Hemen entzun daiteke disko osoa: http://canadaeditorial.bandcamp.com/album/varadero

www.vara-dero.com

////////////////////////////////////////////////////////////////////////////////////////////////////////////////////////////////////////////////////

-PUTAN CLUB    (((Frantzia-Italia / IndustrialAvantRockTechnoDubstepSauvagerie))

001-Jehanne-1-full 2-filtered

PUTAN CLUB-a erresistentzia zelula bezala jaio zen. Erresistentzia mende honetako instrumentu arkaiko eta berehalakoekin antolatzen da: ahots eta marmar elektrikoak, gerra orgak eta esandako hitzak, haitzuloetako pinturetatik hasi eta kontzeptualismo ausarteraino doan tartea bezala, avan-rocketik musika klasiko garaikidera, ezpainetan muxu ematetik ipurdian ostikada ematerainokoa.

Ekintza lekuak askotarikoak dira: New Yorkeko arte galeriatik hasi, eta bosniar squat, alemaniako museo, japoniako diskoteka, frantziako antzerki edota moskuko taberna baterainokoak.

700 emanaldi baino gehiagorekin (Europa, Afrika eta Asian), eta Lydia Lunch-en talde bezala ere bai, PUTAN CLUB-a erresistentzia zelula artistiko ikonoklasta eta gogorra da, eta aldi berean groovy nahiz oso sexia.

François R. Cambuzat: musika, gitarrak, ahotsa, elektronika

Gianna Greco: baxua, ahotsa eta efektuak

François R. Cambuzat-ek L´Enfange Rouge, Gran Teatro Amaro, the Kim Squad, La République du Sauvage eta Putan Club-a sortu ditu. 4700 kontzertu baino gehiago emanak ditu mundu guztian zehar.

Gianna Greco-k 26 urterako sortuak zituen hainbat talde-proiektu, 11 diska grabatuak ditu eta Shotgun eta Muffx talde italiarretan ere partaide da.

Web : http://www.putanclub.org/jehanne_putan_club.html
Audio : https://soundcloud.com/putanclub
Kontaktua : putanclub@tiscali.it
////////////////////////////////////////////////////////////////////////////////////////////////////////////////////////////////////////////////

-RAP FEST:

Azkoitia, Azpeitia eta inguruetako raperoak eta Dj-ak bilduko dira, mikro irekia ere egongo da parte hartu nahi duenarentzat.

EL PUTO IMA

KAN

AGRESION VERBAL

KARTAL

ARTILLERIA PESADA

THROW RAP

LINO

DJ NODA

////////////////////////////////////////////////////////////////////////////////////////////////////////////////////////////////////////////

-EL DESVAN DEL MACHO

El Desván del Macho 1989an sortu zen Arrasaten, Jugos de Otros taldearen banaketaren errautsetatik. Banaketa honetatik sortu zen Cancer Moon talde gogoratua ere. Nahiz eta taldeak sekula oihartzun handiegirik ez izan (talde on askori gertatu ohi zaien bezala), taldeak estatuan egin diren after-punk diskarik onenetakoak sinatu ditu azken 20 urte eta gehiagotan. Geldialdi luze samar baten ondotik, Jose G. Izkueren taldea Alehop! Zigiluak kaleratuko duen lan berri batekin dator.

https://myspace.com/eldesvandelmacho

/////////////////////////////////////////////////////////////////////////////////////////////////////////////////////////////////////////////////////

-LAS NURSES

Oviedo hiriko Las Nurses estatuko underground eszenan nahiko zeresan ematen ari den taldea da. Beren zuzeneko ikaragarriek eta duten proiekzioak nazioarteko zigiluen jomugan ipini ditu. 2012 amaieran Discos Humeantes zigiluak argitara emandako taldearen izen bereko lehen diskarekin etorriko dira. Aurretik, “Rémora” (2008), “Apples & Hatreds” (2009) eta “Just So Pretty” (2010) singleak zituzten kaleratuak. Hardcore eta post-punk soinuen proposamen onentsuenen birformulazioa dakarren boltaje handiko rocka.

www.myspace.com/lasnurses

////////////////////////////////////////////////////////////////////////////////////////////////////////////////////////////////////////////////////

-BABA

BABA 2013an sortu da Ondarrun. Garraxi gogoz kantatzen duen bakarlaria.

Kitarran erritmoa eta musika programatua. Beldurra eta gorrotoa. Ekologismoa eta sexua.

Oier Diaz Aranzeta dago honen atzean eta Tuboskapi taldeko abeslaria izan zen duela urte asko.

Hemen entzun daiteke: www.soundcloud.com/oierdiaz

////////////////////////////////////////////////////////////////////////////////////////////////////////////////////////////////////////////////////

-ENDEMAÑO

Entzuteko nahikoa bazara, ulertuko duzu zarata barrenera doala, Endemañok Meñakan dekon lekuaren bide.

2012ko Martxoan batu ziren bere hiru ardatzak(Ane, Mayi eta Aitane).Eurentzako ezezagunak ziran instrumentuek hartute (Baterie, Kitarra eta Bajue). Beharrak eta biharrak deitute.

////////////////////////////////////////////////////////////////////////////////////////////////////////////////////////////////////////////////////

M A T A M A T I O N #1

helduentzako animazio zikloa

urriak 2tik 30era , 21:30tan

M A T A D E I X E N

MATAMATION teknika, toki eta garai ezberdinetako animazioak biltzen dituen animazio zikloa da eta jarraipena izateko intentzioa du. Helduei zuzendutako animazioak izango dira gehien bat eta askok uste ez arren indarra hartzen ari den esparru bat dugu hau. Nahiz eta mota honetako animazioak laburmetrai gisa agertzen zaizkigun gehienetan, aldizka aldizka ugarituz doaz luzemetraiak ere. Gehiago egitea eta ikusteko aukera gehiago izatea ez doaz eskutik ordea. Film hauetako gehienak, ekoiztu diren lurraldeetan bakarrik estreinatzen dira eta hemen inguruan ikusteko aukera bakarra Animabasauri bezalako jaialdietan edo aurten Zinemaldiak egin duen Animatopia bezalako ziklo berezietan daukagu. Aukerak irekitzeko sortu da MATAMATION eta geratzeko dator.

Ziklo hau bost pelikula eta hainbat laburmetraik osatzen dute eta gizakiaren izatea eta jainkotasuna bezalako gaiak ukituko dira nagusiki.

Urriak 2: SITA SINGS THE BLUES zuz: Nina Paley (AEB/2008/82′)

Ramayana: Rama jainkoaren inguruko epopeia hindua; Rama-ren emaztea bahitua izan zen, berak tximu batzuen laguntzaz salbatu zuen arte. Sita Sings the Blues: Nina-ren istorioa, bere gizonak e-mail bidez uzten duen emakume garaikide batena, Sita-ren elezaharrari paraleloan kontatua. Animaziozko lan koloretsu eta hunkigarri honek 2D-ko animazioko teknika desbedinak uztartzen ditu, denborak banandu baina antzekotasunak batzen dituen istorio bana kontatzeko. Tximu hegalariak, jainkoak eta bihotza hautsitako artista bat hogeigarren hamarkadako baladen jazz erritmoekin mugitzen diren film musikala.

Urriak 9: METROPIA zuz: Tarik Saleh (Danimarka/2009/86′)

Metropia, hain urrunekoa eta hain beldurgarria ez den Europa batera garamatzan animazio filmea da, non mundua petroleo gabe geratu den eta lurpeko metro sare bat konektatua izan den sare erraldoi bat sortuz europako lurraren azpian. Roger de Farsta-k, metrotik aldentzea erabakitzen du nahigabetsua iruditzen bait zaio eta tarteka ahots arraroak entzuten bait ditu bere buru barruan. Egun batez, Roger-ek bere bizitzako xehetasun guztiak kontrolatuta daudela jakiten du, beraz alde egiten saiatzen da, baina hori lortzeko Nina supermodeloaren laguntza beharko du. Edo agian Nina-k beharko du Roger?

Urriak 16: MINDGAME zuz: Masaaki Yuasa (Japon/2004/105′)

“Mindgame” ikusentzuneko koktel surrealista bat da, gaur egun dauden animazio tekniken katalogoa (stop motion-etik infografia poligonaleraino, muturreko karikaturatik edo irudi errealen manipulaziotik pasata). Filmeak Nishi-ren istorioa kontatzen du, tren batean Myon ezagutzen duena, bere ametsetako emakumea. Myon eta bere arrebak Nishi beraien jatetxera gonbidatzen dute, non heriotza aurkituko duen Myon-en zorrak kentzera zetozen hiltzaile batzuen eskuerakutsi. Nishi hiltzean zerura joaten da eta han jainkoen indarrari aurre egiten dio.

Urriak 23: LE CHAT DU RABBIN zuz: Antoine Delesvaux, Joann Sfar (Frantzia/2011/90′)

Istorioa sinplea da. 1930 hamarkadan, Argelian, errabinoaren katuak papagai bati arasotzen dio eta barau jan ostean hitz egiteko ahalmena lortzen du. Jabearen ezusterako egiten duen lehen gauza…. gezurra esatea da. Horrela hasten da duda gabe azken hamar urtetan Europan egin den lanik onenetarikoa. Sfar-en sormena ez da edozein katu. Bere animalia izatea ezagutzen duen izaki bat da eta ahoa irekitzean gizakiok gure maskotetaz isilpean pentsatzen duguna zehazki esaten du. Izan ere katu hau filosofari makiaveliko baten modukoa da.

Urriak 30: $9.99 zuz: Tatia Rosenthal (Israel/2008/78′)

Animazioko zuzendari den Tatia Rosenthal-ek, luzematrai baten Keret-en hiru ipun labur egokitzen ditu, gaur egun kontakizun hebrear garaikidearen adierazle bezala hartua, gidoi bakar baten uztartuz eta bere plastelina eta silikonazko panpin animatuen bidez kontatuz, eguneroko bizitzako istorio hauek; Humore beltzez eta surrealismo isekagarriz beteak. Ikuslego helduarentzat egindako animaziozko filma, edozein ikuspuntutatik harrigarria, osotasunean koktel lehergarri bat osatzen duena: auzo komunitate batean gertatzen diren 6 istorio ezberdin, beraietako batek guztiek behar dituzten erantzunak dituen liburu bat erosi eta bizitzaren benetako zentzua aurkitzen duela ematen duenen elkartzen direnak.



Utzi erantzuna

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s